Este verán levaranse a cabo diferentes actividades culturais no Concello de Vilar de Santos:
- OBRADOIRO DE TEATRO: Esta actividade está dirixida a nenos e nenas de 6 a 13 anos e ten como finalidade achegar o teatro ós máis novos con ensaios e xogos variados. Todo isto culminará coa representación final da obra “O Principiño”. Todos os luns e venres ás 17:00h no Salón de Actos no Concello.
- OBRADOIRO-CAMPAMENTO: Este obradoiro está destinado para rapaces e rapazas ata os 12 anos, e levaranse a cabo xogos de animación, xogos ao aire libre e outros talleres. Será os días 30 e 31 de xullo e 4, 6 e 7 de agosto de 17:00 a 20:00, en diferentes espazos do Concello (salón de actos, biblioteca, campo de fútbol…)
- ACTIVIDADES NO TELECENTRO: Durante os meses de xullo e agosto abrirase o telecentro de luns a venres de 10:00 a 14:00 e de 16:30 a 20:30. Haberá diferentes actividades lúdicas; manualidades, videoxogos (playstation2, wii), xogos por ordenador,…
Para máis información dirixirse a biblioteca do concello, ou chamar ao 988 46 58 83.